Резултатите од една студија покажуваат дека личностите кои сметаат дека се чувствителни на глутен би можеле да бидат чувствителни на фруктаните кои, исто така, се наоѓаат во пченицата. Меѓутоа научниците од Осло и универзитетот Монаш во Австралија објавиле студија според која виновник за овие симптоми е токму фруктанот од пченицата. Овие молекули на фруктоза се наоѓаат во уште некои намирници како оризот, јачменот, артичоката.
Со истражувањето биле следенни 59 личности кои немаат целијакија, но кои чувствуваат непријатност после внес на намирници кои природно содржат глутен. Добиле задача да јадат посебни стапчиња. Еден дел од нив содржел глутен, друг фруктани, а третиот ни глутен ни фруктани. Испитаниците биле поделени во три групи и секоја личност јадела по едно стапче секојдневно во траење од седум дена, а потоа паузирале една недела пред да се повтори експериментот само со друг вид стапче.
Резултатите покажале дека стапчињата со фруктани предизвикале надуеност за 15 отсто повеќе во однос на контролната група и симптоми на гастроинтестинални симптоми за 13 отсто повеќе. Глутенските стапчиња кај испитаниците не предизвикале разлика во однос на контролната група.
Од наведеното може да се заклучи дека глутенот како главен виновник за надуеност и дигестивни тегоби би можел да ја подели „обвинителната клупа“ со фруктаните.
