ОТКРИЈТЕ ГИ НАВРЕМЕ! 9 симптоми на интолеранција на глутен

Интолеранцијата на глутен може да ве натера да се откажете од омилените производи, како што се колачите, печивата или тестенините со оглед на тоа дека глутенот го има во пченицата, ’ржта и јачменот.

Бројот на луѓето на кои не им годи глутенот се зголемува од ден на ден, а многумина се откажуваат од него и заради целијакијата – болест која заради нетолеранцијата на глутен го уништува тенкото црево. Оваа болест во просек погодува една од 100 личности.

Меѓутоа постојат многу луѓе кои се само чувствителни на глутен. Научниците проценуваат дека се работи за 12 отсто од светската популација од која повеќето не ни знаат дека го имаат овој проблем. Колку и да звучи безопасно интолеранцијата на глутен може да предизвика многу посериозни состојби во организмот како депресија, остеопороза, автоимуни болести, болести на нервниот систем, Кронова болест и сл. Интолеранцијата на глутен не се открива лесно, а често може да се препознае и како некоја друга болест.

Ова се некои од симптомите на интолеранција на глутен кои не би требало да ги игнорирате: 

  1. Тешко ви е кога јадете

Ако не се чувствувате добро кога ќе изедете пица или некое колаче, тоа не е добар знак. Консумирањето производи со глутен може да предизвика болка во стомакот, грчеви и мачнина и ова е еден од најчестите симптоми на нетолеранција на глутен.

  1. Се чувствувате надуено

Постојат многу причини за надуеност како што е прејадувањето, јадењето набрзина, интолеранција на лактоза, синдром на нервозни црева, бременост, менструален циклус, лошо варење и сл., но ако имате целијакија ќе имате чувство дека стомакот ви е надуен и отечен, особено после храна богата со глутен.

  1. Кожата ви е сува и ве чеша

 Не постои конкретно научно објаснување за ова, но многу луѓе со целијакија имаат и проблеми со кожата, како сува кожа, акни и мозолчиња…

  1. Тешко ви е да се фокусирате

Интолеранцијата на глутен е всушност невролошка болест. Многу доктори тврдат дека пореметувањето на хиперактивноста може да се поврзе со чувствителноста на глутен. Ова е причина зошто нетолеранцијата може да ја намали способноста да се сосредоточите на нешто.

  1. Слабеете без напор

Кога губите килограми без да планирате голема е веројатноста дека не поднесувате глутен, затоа што оштетените црева не можат нормално да ги апсорбираат хранливите материи што доведува до губење на апетитот и брзо губење тежина.  

  1. Се чувствувате депресивно

Депресија, промени на расположението и нервоза после консумирање храна богата со глутен се симптоми на нетолеранција на глутен. Студиите покажуваат дека кај пациентите кои не се толерантни на глутен се појавуваат знаци на депресија три дена откако консумирале храна со глутен.

  1. Уморни сте постојано. Наутро се будите уморни

Вашата исхрана игра голема улога во создавањето енергија. Знаете дека консумирањето брза храна ве прави мрзеливи, додека овошјето и зеленчукот ви даваат енергија. Исто така, луѓето кои не поднесуваат глутен откриле дека нивото на енергија нагло им се зголемило откако го исфрлиле глутенот од менито.

  1. Имате проблем со помнењето

Многу пациенти со интолеранција на глутен тврдат дека често имаат проблем со меморијата „замаглено памтење“, недостаток на концентрација и потешкотии да се сетат на одредени работи. Оштетувањето на меморијата е знак за целијакија.

  1. Нездрава столица

Ако патите од хроничен запек или дијареја, тоа може да биде знак за интолеранција на глутен. Погрижете се да појдете на лекар доколку често имате промени.

Важно: Доколку имате некои од овие симптоми и мислите дека сте интолерантни на глутен треба што поскоро да појдете на лекар и да направите анализа на крвта. Докторот врз основа на тоа ќе постави дијагноза и ќе ви даде соодветна терапија.