Овој леб го стимулира производството на црвени крвни зрнца и хемоглобин, го олеснува отстранувањето на канцерогените и токсични супстанци од организмот, но и отстранувањето на холестеролот и се препорачува како превенција од дијабетес, атеросклероза и целулит. Се прави од из’ртени зрна пченица со минимален додаток на квасец и сол и без адитиви и конзерванси. Поразличен е од сите останати видови леб затоа што сите други содржат брашно со ниска биолошка вредност и својства на кои човековото тело не може да се навикне. Овој леб е без брашно и е еднакво нутритивен како и другите пекарски производи, но и богат со протеини, витамини, аминокиселини, масти, јаглехидрати и минерали. Само количеството на влакна што ги содржи е 20 пати поголемо отколку во обичниот бел леб.
Потребно:
300 г пченица, 100 г снегулки од јачмен, 2 лажици сусам, 2 лажици ленено семе, 2 лажици семки од сончоглед, 1 лажичка сол, половина свеж квасец, 50 мл вода.
Начин на приготвување: Процесот на правење на овој леб трае малку подолго, па така одвојте доволно време. Почнете така што пченицата ќе ја прелиете со вода. Треба да отстои три дена додека не почне да ‘рти. Повремено менувајте ја водата за да не се расипе пченицата. После три дена процедете ја и измелете ја во блендер. Ќе добиете смеса слична на тесто. Во неа додадете ги пченичните или јачменовите снегулки. Пред тоа би било добро и нив да ги прелиете со топла вода за да омекнат. Во смесата можете да додадете семки од сончоглед, сусам (што претходно малку сте го пропржиле во тава) и лен.
Во 50 мл вода растворете половина свеж квасец и лажица шеќер. Кога квасецот ќе нарасне додадете го во смесата и рачно измесете. Додајте лажичка сол. Потоа смесата ставете ја во тепсија за печење, да постои околу половина час. Потоа рерната загрејте ја на 220 Целзиусови степени. Пред печењето додадете неколку коцки мраз за да се направи пареа која ќе му овозможи на лебот уште малку да нарасне. Печете околу 45-50 минути. Проверете дали е готов лебот така што ќе го боцнете, онака како што тоа го правите кога печете колачи.
