Науката потврди дека лошите навики во исхраната после тежок ден на работа или расправа со драга личност се предизвикани од ефектот кој го има стресот врз нашиот мозок. Научниците од Универзитетот во Цирих откриле дека луѓето во стресни ситуации се посклони да се одлучат за нездрава (во повеќето случаи повкусна) храна отколку кога не се под стрес. Истражувањето, исто така, покажало и дека во стресни ситуации ја губиме способноста за самоконтрола.
Луѓето во стресни ситуации се посклони да се одлучат за нездрава храна отколку кога не се под стрес
Стресот го зголемува ефектот на наградување кој се јавува во нашиот мозок, па затоа може да ја интензивира желбата за моментална награда, како што е пржена или слатка храна. Со други зборови, изгледа како стресот како да го засилува сигналот на информации за вкус, а го намалува сигналот за информации за здравјето. Исто така, треба да се напомене и дека еден ден поминат под голем стрес нема целосно да ја саботира вашата исхрана ако наредниот ден се вратите на нормалните активности и здравата исхрана. Меѓутоа дури и умерен стрес може да предизвика губење на самоконтролата кога станува збор за храна, а таков стрес може да се појави и по неколку пати на ден.
