Обликот на телото има големо влијание на здравјето. Имено, потенцијалните здравствени проблеми често се предизвикани од вишокот масни наслаги, кои се собираат на различни делови од телото. Од тоа дали вишок има најмногу на половината или колковите, зависи на кои здравствени проблеми сме склони.
Стомак и половина
Салото кое се собира на стомакот и околу половината е најопасно за здравјето, покажува едно истражување. Личностите кои се градени така што вишокот им се гледа најмногу на овие делови од телото често патат од срцеви болести, карцином и дијабетес. За нив се советува помал внес на јаглехидрати, место слатки консумирање темно чоколадо, а оброците да се базирани на протеини, и тоа пилешко, мисиркино и риба. Исто така, се советуваат кардио тренинзи – пливање, возење велосипед, трчање, но и тренинзи на силата.
Бутови и колкови
За овој тип карактеристични се послаби раце, помали рамена и вишок на бутовите, задникот и колковите. Салото на овие делови не е толку опасно и не ги оптоварува органите како што е црниот дроб или срцето. Сепак, кај нив почесто се појавуваат проблеми со вените, колената и зглобовите. Се советува одбегнување на масти и користење намирници како што е лебот од житарки, овесни снегулки и леќа. Препорака е вежбање 30 минути дневно, аеробна активност и вежби за колкови и бутови.
Гради и рамена
Личностите кои ја имаат оваа фигура имаат потенок струк и колкови, а пошироки гради и рамена. Се смета дека имаат екстремно активни надбубрежни жлези, кои им го забрзуваат метаболизмот и со тоа спречуваат таложење на вишокот килограми. Колку и да делуваат атлетски градени, ако се здебелат, многу се поподложни на срцеви болести и ризик од развој на остеопороза. Се советува да изведуваат вежби насочени на развојот на долниот дел од телото, како и да јадат намирници кои се богати со протеини, како месо од живина и риба.
Рамномерно распореден вишок
Кај жените тоа значи дека имаат поголеми гради и колкови, додека струкот е тесен. Научниците тврдат дека овие личности имаат подобра репродуктивна способност и дека се помалку склони на депресии. Сепак, како и сите, и тие треба да го ограничат внесот на обработени намирници, шеќери и кофеин, за да останат здрави. Се препорачува да внесуваат здрави масти од авокадо, риба, јаткасти плодови, семки и маслиново масло.
Атлетска градба
Овие личности најчесто имаат тесни колкови, помали гради. Ним главно им е лесно да го симнат вишокот килограми и имаат помал ризик од срцеви болести, дијабетес, рак на дојка. Жените со оваа градба, меѓутоа, понакогаш имаат пониско ниво на естроген, што може да им го попречува менструалниот циклус и го зголемиува ризикот од ендометриоза, па со самото тоа може да претставува и проблем за плодноста. За природно да го зголемат нивото на овој хормон, се советува да јадат ленено семе, соја и овошје, особено јагоди и праски.
