Мексиканецот Хулиан Риос Кант (19) во 2017 година благодарение на револуционерниот изум, се најде во центарот на медицинската и научна јавност. Имено, тој иновираше градник кој може да открие рак на дојка и тоа во рана фаза.
Производот наречен ЕВА се состои од 200 биосензори кои ја бележат температурата, формата и тежината на градите. Поради зголемениот проток на крв, туморите ја менуваат температурата на телото. Ако градникот воочи промени, тој преку мобилен телефон ја информира сопственичката, а доволно е да се носи околу еден час неделно.
Градникот наскоро ќе се најде во продажба, а цената на овој фантастичен изум, кој потенцијално би можел да спаси милиони животи, се уште не е позната.
Овој изум го поддржа бројни научници, а фирмата на Хулиан “Higia Technologies“ што ја основа заедно со тројца пријатели, заврши на листата на Форбс како една 30 најмоќни компании во светот.
“На 13 години на мојата мајка и бил откриен рак на дојката. Успеала тоа да го преживее, оти имала двојна мастектомија. Целиот тој процес на неа оставил емоционални и физички лузни. Тоа ме поттикна нешто да направам. Уверен сум дека благодарение на овој грданик, жените нема да мора да поминуваат низ агонијата што ја поминала мојата мајка“, изјавил Хулиан.
Ракот на дојка е најчест тумор кај жените. Ако туморот се открие навреме, може да се излекува кај 98% од случаите, додека петгодишното преживување кај напреднатиот стадиум на болеста е од 35-75%. Секако, за прогнозата на болеста, освен големината, важен е и видот на карциномот, степенот на неговиот малигнитет, проширеноста во лимфните јазли, хормонскиот статус и HER-2 статусот. Сите наведени параметри се важни и за видот на лекување, по хируршката интервенција.
