Резултатитете од нова студија, кои биле собрани во 34 центри за скрининг на рак на дојка, укажуваат дека кај илјадници жени кои имаат позитивна семејна анамнеза на рак на дојка, со скрининг за овој тип на карцином треба да започнат во 35. година, наместо во 40. година.
Се смета дека раниот почеток на скринингот за рак на дојка ќе овозможи откривање на туморот во порана фаза, со што би можело да се спасат илјадници животи.
Се проценува дека околу 15% од новите случаи на рак на дојка се поврзани со позитивна семејна анамнеза на оваа болест.
Инаку, ова се први значајни податоци за предностите на скринингот кај жени на возраст од 35 до 39 години. Ова истражување, објавено минатата недела во EClinicalMedicine, покажало дека мамографскиот преглед е ефикасен во раното откривање на туморот кај оваа возрасна група.
И покрај фактот дека денес повеќе жени го преживуваат ракот на дојка во споредба со претходно, болеста и натаму претставува голем јавноздравствен проблем. Се проценува дека околу 15% од новите случаи на рак на дојка се поврзани со позитивна семејна анамнеза на оваа болест.
