Постојано се пишува за тоа колку е добро да се пие чај и какви се сите негови здравствени предности за физичкото, но и за психичкото здравје. Меѓутоа, постојат ситуации кога чајот ги губи своите лековити својства и се претвора во не така добар напиток.
Истражување објавено во “Journal of Food Composition and Analysis” покажало дека вреќичка чај со арома на цитрус содржи и до 30 пати поголемо ниво на олово и алуминиум од доволеното. Тие две состојки многу негативно делуваат на органите, а пред се на бубрезите и на срцето. Тоа значи, потенцираат истражувачите, ако сакате чај со портокал, подготевте си го така што во обичен зелен чај ќе додадете изрендана кора од лимон (секако непрскан или исчистен од токсини), наместо да купувате таков со вкус на омилениот агрум.
Никако по јадење
Треба да знаете и дека чајот ја загрозува апсорпцијата на железо, така да овој напиток не се препорачува да се консумира по оброк. Дозволете му на телото нормално да ја свари храната,а дури потоа напијте се чај. Пиењето чај веднаш по оброк, ја влошува состојбата на кожата, косата и ноктите, така што нутриционистите советуваат чај да се пие 40 до 50 минути по јадење.
ПРЕМНОГУ ЧАЈ МОЖЕ ДА ПРЕДИЗВИКА АКУМУЛАЦИЈА НА ФЛУОР ВО КОСКИТЕ
Како резултат се јавуваат проблеми со забите и со коските, кои со тек на време ќе станат многу порозни. Затоа, ако сакате јак чај, не пијте повеќе од 4 шолји дневно. Честата употреба негативно влијае на телото, што не се гледа веднаш, туку по неколку години.
ПОГРЕШНО…
Многу луѓе мислат дека чајот не влијае на квалитетот на спиење и стравувајќи од последиците на пиење кафе, пред спиење пијат чај. Лекарите истакнуваат дека чајот го буди нервниот систем, па дури и да заспиете без проблем, спиење ќе биде плитко, а наутро ќе се разбудите “скршени“. Шолја млеко пред спиење е секогаш подобар избор.
