Оваа навика не само што е грда, туку е и мошне опасна! Секој пат кога ги грицкаме ноктите ризикуваме да си „натовариме“ вируси и бактерии, што на долги патеки го ослабува имунитетот и тогаш секој нов напад на патогени микроорганизми е се поризичен. На ова предупредува Адам Фридман, професор по дерматологија на Универзитетот Џорџ Вашингтон.
„Кога ги ставате ноктите во уста нема граница за бактериите и вирусите и нивното влегување во организмот, што може да резултира со настинка, но и посериозен желудочен вирус“, вели Фридман и додава: „Ако гризнете преголемо парче, се случува чувствителната кожа под ноктот да се изложи на милиони патогени микроорганизми. Нашата уста е полна со бактерии, така што лесно можете да се заразите.“
Тој предупредува и дека еден од најчестите облици на инфекција е паронихијата, која може да резултира со отекување, црвенило, болка и создавање гнојни грутчиња.
