Грозјето и боровинките помагаат за подобрување на фунциите на белите дробови, тврдат група научници од Институот за нутриционизам во Чикаго. Студијата која тие ја спровеле на 500 лица на средна возраст од 44 години, подразбирала консумирање на грозје и боровинки од испитаниците најмалку два пати во неделата во период од две години. На секој учесник, месечно му била оценувана работата на системот за дишење.
Резултатите покажале дека на лицата кои консумирале од ова овошје здравјето на белите дробови им било за 54 % подобро во однос на оние кои не внесувале вакви плодови, но и чиј внес на овошје генерално бил на ниско ниво.
Според истражувачите присуството на антоцианини во грозјето и во боровинките е она што делотворно делува не само на функционирањето на дишните органи, туку на целиот организам воопшто.
Она кое го нагласиле истражувачите е податокот дека пушењето го слабее антиоксидантниот ефект на антоцианините.
