Дел по дел: Што навистина му прави пушењето на вашето тело?

Tobacco Body во соработка со Cancer Society од Финска, детално ги прикажува оштетувањата на телото предизвикани од пушењето

Графиката Tobacco Body е креирана за да покаже какви опасности им се закануваат на мажите и жените кои пушат. Освен некои добро познати несакани ефекти, графичкиот приказ покажува и ефекти како што се седа коса, зголемен ризик од улкус, дамки на кожата, кај жените растење на влакна на лицето, а кај мажите поспора сперма. Ова се само дел од нуспојавите.

На страницата е објаснето дека пушачите на кожата многу често добиваат дамки, бидејќи пушењето ја ослабува циркулацијата, што, пак, го зголемува ризикот од инфекции, а, исто така, почесто се појавуваат и акни.

Непушачите имаат и до пет пати помалку брчки во однос на пушачите, кои пушеле по една кутија цигари на ден во тек на 25 години

Зголемената влакнавост на телото кај жените настанува поради зголеменото ниво на машкиот хормон, тестостерон, покажала студијата на Медицински колеџ во Висконсин. Исто така, покажала дека жените кои пушат една кутија цигари дневно или повеќе, имаат поголеми шанси за порана менопауза или нередовни менструации.

На страницата Tobacco Body можете да изберете маж или жена и да го прегледате секој одделен дел од телото за да видите каков ефект има пушењето врз него. Интерактивната веб-страница може да ја погледнете тука.