![hali](https://panacea.mk/wp-content/uploads/2018/11/hali.jpeg)
Холивудската актерка Хали Бери има 52 години и може да се пофали со совршена линија. За да ја одржи линијата таа води сметка за тоа како се храни и редовно да вежба. Во неколку наврати има откриено дека веќе неколку години се придржува до, како што вели, идеалниот режим на исхрана во вид на кетогена диета која се заснова на зголемен внес на масти и речиси на целосна редукција на јагледихрати.
Со своите следбеници на Инстаграм актерката решила да го подели рецептот за омилениот десерт кој не дебели. Станува збор за сладолед од авокадо.
Иако од менито ги исфрлила слатките, вели, понекогаш знае да се почести со внимателно одбран деликатес, поточно со деликатеси кои не содржат шеќер, па тоа со сигурност нема да влијаат на добивањето килограми.
Сладолед од авокадо
Потребни состојки:
- 2 авокада
- шолја незасладено бадемово млеко
- шолја слатка павлака
- засладувач
- лажица сок од лимон
- неколку капки екстракт од нане
- малку сол
Начин на приготвување: Состојките ставете ги во блендер и матете се додека не добиете мазна смеса. Потоа внимателно претурете ја во сад или калапи за сладолед.