Хематокритот (HTC) е однос на волуменот на еритроцити и волуменот на полна крв. Еритроцитите се од големо значење за организмот. Нивната главна улога е да пренесуваат кислород и хранливи материи во сите делови од телото. Пореметувањата на овој лабораториски параметар можат да се движат во две насоки, првиот кога вредностите се покачени и вториот кога се намалени.
Причини за намалени вредности
Ниските вредности на хематокрит се јавуваат кај: оштетувања на коскената срж: токсини, зрачења, хемотерапии, инфекции, хронична воспалителна болест, дефицит на железо, фолати или витамин Б12; внатрешно крвавење: тешка траума, хронични крвавења од гастроинтестиналниот тракт (чиреви, полипи, рак на дебело црево), обилна менструација, хемолитичка анемија, откажување на бубрези, леукемија, лимфом, српеста анемија, во бременост.
Причини за зголемени вредности
Зголемени вредности на хематокрит: конгенитална болест на срцето, дехидратација, тумори на бубрезите, белодробни болести.
Фактори на ризик
Променети вредности на HTC можат да се јават кај пушачи, заради прекумерна примена на лекови, недоволно внесување течности, кај планинарење „редок воздух“, нуркање.
Симптоми
Некои од симптомите и знаците на анемија се: слабост или умор, недостаток на енергија, несвестица, бледило на кожата, краток здив.
Симптоми и знаци на полицитемија (зголемени вредности) се: слабеење на видот, вртоглавица, главоболка, зголемена слезина.
Дијагностика
Нивото на хематокрит се одредува со земање венска крв, во склоп на комплетната крвна слика – ККС. Доколку лекарот забележи промена на нивото на хематокрит и се сомнева на некоја болест или состојба може да побара некои од специфичните методи со што може точно да се одреди која болест е во прашање.
Нормални вредности HCT
Вредностите на хематокрит не се исти кај мажите и кај жените. Референтните вредности кај мажите се: 8 -50 %; а кај жените: 34,9 – 44,5 %. Кај децата (15 години и помалку) вредностите варираат заради растот и развојот.
Лекување
Лекувањето на пореметените вредности на хематокрит зависи од причините.
