Хематом или крвен подлив е крвно згрутчување кое се појавува при удар или пукање на крвниот сад. Тогаш крвта излегува од крвниот систем. Хематомите може да бидат помали во форма на модринка, а може да изискуваат лекување доколку се работи за истегнување на мускулот или шинување на зглобот.
Што е хематом?
Хематомите се појавуваат по пукаање на крвниот сад, крвта се излева од крвните садови во околината, односно во следниот простор:
- Под кожата;
- Во зглобот;
- Меѓу мускулите.
Хематомите означуваат згрутчување кое се појавило од крвта која се излеала. Модриците се помали поткожни хематоми создадени од пукање на капиларите. Поголемите хематоми се појавуваат од пукање на лигаменти, мускулно ткиво или преметнување. Крвта која се излева од крвните садови е иритантна за околното ткиво и може да предизвика воспаление и оток. Организмот ќе настојува сам да ја го поправи згрутчувањето и распукнатиот крвен сад. Грутките се разбиваат на помали спојки и се реапсорбираат, а крвните садови се поправаат со синтеза на фибронектин и поместување на каскадата на згрутчената крв. Поголемите крвни подливи некогаш организмот сам не може да ги поправи, хематомите ќе предизвикаат синтеза на сврзното ткиво, па дури и вклучување на калциумот во ткивото. Тогаш може да дојде до сраснување на коската во крива насока што мора да се поправи.
Симптоми
Симптомите за хематом зависат од подрачјето на кое се појавува. Тоа подрачје ќе биде воспалено и иритирано. Типични симптоми за хематом се:
- Црвенило на кожата;
- Болка на допир;
- Чувствителност;
- Оток на зафатеното подрачје;
Причини
Излевањето на крвта во околниот простор е предизвикано од траума. Тоа нужно не се само несреќи, туку кои било оштетувања на крвните садови по следните состојби:
- удар;
- шинување или пукање на коската;
- внатрешно крварење по болест;
- аневризма;
- лекови против згрутчување на крвта;
- хемофилија;
- анемија;
- инфекција која го намалува бројот на тромбоцити во крвта;
- бременост и породување.
