Луѓето заразени со хумано имунодефициентен вирус (ХИВ) имаат двојно поголем ризик од развој на срцеви заболувања отколку луѓето кои не се инфицирани со вирусот кој предизвикува СИДА, укажала анализата на студии од дури 153 земји.
Инаку, во последните дваесет години, тројно е зголемен бројот на срцеви заболувања, кои се поврзани со ХИВ.
Се проценува дека повеќе од 35 милиони луѓе ширум светот се инфицирани со ХИВ вирусот, а бројот и понатаму продолжува да се зголемува
Се смета дека ХИВ предизвикува воспаление на крвните садови, што претставува стрес за кардиоваскуларниот систем. Исто така, ХИВ може да придонесе за срцеви болести со зголемување на нивото на маснотии во крвта и дејството врз способноста на телото да го регулира нивото на шеќер во крвта, пишува „Circulation“.
