Неодамнешното истражување повторно потврдило дека решавањето енигматика поволно влијае на здравјето на мозокот. За да дојдат до овој заклучок авторите на студијата анализирале податоци од 19100 испитаници – од тоа колку често решаваат крстозбори и судоку, до нивните резултати на тестовите за внимание, памтење и расудување.
Се покажало дека мозокот на личности постари од 50 години кои често решаваат енигматика функционира како да имаат 10 години помалку. Кај овие испитаници забележан е значително подобар учинок кога се во прашање брзината и прецизноста на решавањето задачи за време на тестирањето. Кога се во прашање задачите кои го проверуваат краткорочното памтење, учиникот на овие испитаници одговарал на резултатите кои би ги оствариле за 8 години помладите личности.
Иако авторите на студијата не можат да тврдат дека решавањето на енигматиката го намалува ризикот од деменција подоцна во животот, редовното решавање на задачи со бројки и вкрстени зборови му помага на мозокот што е можно подолго добро да функционира. Исто така, доколку овој вид забава не ве интересира премногу, научниците сугерираат дека учењето на нов јазик или бавењето со нови хобија би можело да има поволни ефекти на здравјето на мозокот.
