Компјутерот и тастатурата се мошне важни за развој на човештвото, но не и за човековиот мозок, велат научниците.
Истражувачите од Универзитетот Принстон, како и Универзитетот Лос Анџелес спровеле низа студии за да ги демонстрираат разликите меѓу студентите кои запишувале белешки за време на предавањата и оние кои чукале белешки. Резултатите покажале дека и едните и другите подеднакво добро го направиле првиот тест, но долгорочно подобро ги разбрале и ги запаметиле своите белешки студентите кои со рака го пишувале она што го слушаат. Исто така, оние кои користеле пенкало и хартија, биле, повеќе од другите експериментални групи, поотворени за разбирање на нови идеи.
Предноста на запишувањето е во тоа што судентите кои тоа го прават морат брзо да пишуваат и затоа се фокусираат на најважните факти во лекцијата која ја слушаат. Исто така, многу од нив повторно го препишуваат она што го запишале на предавањата, што, исто така, придонесува за памтењето. Тоа не значи дека тастатурите не прават поглупави и дека треба да престанеме да ги користиме, туку тоа да не го правиме често, и не во раната младост.
Истражувачите од Универзитетот во Индијана споредувале скенирани слики од мозок постари од пет години кај луѓе кои практикувале чукање на тастатура и оние кои пишувале. Се покажало дека оние кои пишуваат имаат подобри мозочни активности.
Значи, родители не дозволувајте им на своите деца да „бидат потполно дигитални“ дајте им пенкало или молив во рака!
