Правилниот начин на исхрана во голема мера може да ги регулира вредностите на маснотиите во крвта, истакнуваат нутриционистите, наведувајќи ги клучните намирници во оваа борба.
Оревите обезбедуваат најголем процент заштитен ХДЛ холестерол. Научниците тоа го откриле анализирајќи ги Французите, кои имаат добар холестерол во завидно количество. Востановиле дека Французите обожаваат да грицкаат ореви.
Јаболката лошиот холестерол можат да го намалат за дури 38 отсто, тврдат истражувачите. За ова да се постигне неопходно е редовно да се консумираат или да се пие нивниот сок. Овесните снегулки се, исто така, богати со влакна и познат непријател на лошиот холестерол. Гравот е вистински „воин“ во борбата со лошиот холестерол. За само месец и половина во состојба е да го намали холестеролот за шест отсто. Лукот во дневна доза од само 5 мг во таблети „симнува“ 11 отсто холестерол, покажале истражувањата. За да ја подобрите циркулацијата доволно е во текот на денот да изедете само едно чешне.
