Холестеролот може да се држи под контрола, еве што треба да консумирате!

Со вклучувањето на одделни намирници во исхраната холестеролот може да се држи под контрола.

Одделни  намирници активно придонесуваат за регулирањето на нивоата на холестерол и со нивното вклучување во урамнотежената исхрана може да се држи холестеролот под контрола.

Најпрво тоа е овесот (овесните снегулки, производите од овесно брашно) кои помагаат во регулирањето на зголеменото ниво на холестерол. Потоа тоа се интегралните житарки и мешунките, производите од соја, јаткастите плодови, масната риба (туна, лосос, скуша), овошјето (особено јаболка, цитруси и зрнесто овошје), модриот патлиџан, бамјите и растителното масло (сончогледово, маслиново и масло од семки од грозје).

Кога станува збор за храната која неповолно влијае на нивоата на холестерол, тука спаѓаат: црвеното месо и месните преработки, маргаринот, хидрогенизираните масти и полномасните млечни производи.