Зрелиот плод е многу сочен и со сладок вкус, додека незрелиот е прилично кисел
Јапонското јаболко е препознатливо по портокалово-жолтата боја која варира до темнопортокалова-црвена боја
Просечно јаболко од околу 170 г содржи 120 калории
И покрај тоа што се нарекува јапонско јаболко, оригинално потекнува од Кина, а се одгледува во сите топли краишта на светот. Можеби на прв поглед потсетува на домат, но кога ќе го пресечете ќе забележите дека е вкусен плод кој најбитно од се има бројни лековити својства, голема содржина на витамин Ц, а мал број на калории.
Плодот е полн со антиоксиданти кои имаат антиканцерогено дејство. Како резултат на тоа, јапонското јаболко успешно се бори против слободните радикали, кои се главна причина за појава на малигни заболувања. Покрај спречувањето на малигни заболувања, јапонското јаболко како лек може да се користи и за зајакнување на имунитетот. Како што веќе напишавме, ова овошје изобилува со витамин Ц и со самото тоа го стимулира производството на бели крвни клетки кои се примарни борци против микробиолошки, вирусни и габични инфекции.
Јапонското јаболко не треба да се консумира на празен стомак, зашто во тој случај може да доведе до дијареја
Јапонските јаболка имаат и голема количина на витамин А кој делува благотворно врз кожата. Покрај него, концентрацијата на бета-каротен, ликопен и лутеин и даваат вистински антиејџ третман на кожата, бидејќи ги спречува знаците на предвремено стареење како што се брчките, флеки, темни кругови и опуштени мускули.
Освен што го регулира крвниот притисок, плодот е одличен стимуланс за создавање на нови црвени крвни клетки што се должи на големите количини на бакар, кој благотворно делува врз нивото на хемоглобин во крвта. Затоа е препорачливо овие јаболка да ги јадат лица кои страдаат од анемија, со што ќе се подобри концентрацијата на црвените крвни клетки.
Јапонските јаболка содржат пиридоксин, фолна киселина и тиамин, кои се основа за подобрување на метаболичките функции во телото. Редовното консумирање на ова овошје ќе му ја обезбеди на организмот потребната енергија, со што позитивно влијае на изградба на мускулите, го подобрува варењето на храната и го зајакнува имунолошкиот систем.
Јапонското јаболко се користи за лекување на следниве болести:
- болести на цревата (запек, воспалителни состојби и инфекции на цревата, нарушена дигестија особено за време на патување или промена на клима)
- болести на желудникот (гастроентеритис, лошо варење)
- за третман на хемороиди (ја спречува тврдата столица и дејствува поволно на празнење на цревата)
- заболување на црниот дроб и жолчката (замастен црн дроб, слаба функција на црниот дроб, слаба секреција на жолчката)
- ако се свари плодот,одличен е за лекување на дијареја
- исушен зрел плод е добро терапевтско средство за лекување на компликации на бронхиите, особено кај сува кашлица
- свеж сок од овие плодови помага во лекувањето на висок крвен притисок
- болести на нервите (делува ублажувачки врз нервите кои ги релаксира и зајакнува)
- го зајакнува имунитетот
Како се јаде јапонско јаболко?
Може да се консумира свежо, сушено или варено. Кога станува збор за ова овошје, многу е важно да знаете дека треба да се излупи кората. Причината лежи во тоа што содржи големи количини на танин, што предизвикува лоша апсорпција на некои битни материи. Суровите плодови може да ги исечете на четвртинки или едноставно да ги јадете како и обична јаболка. Она што е многу важно да се знае е дека јапонското јаболко не треба да се консумира на празен стомак, зашто во тој случај може да доведе до дијареја. Сушени јапонски јаболка може да се користат при подготовка на разни десерти, колачи и сладолед, а свежото овошје секогаш може да се употреби како додаток на овошни салати, а особено е добро во пудинг.
Ако сакате компот, јапонското јаболко е уште подобро ако се свари во вода со цимет и малку сок од лимон. Потоа ставете го во фрижидер да се олади и послужете го после ручек. Одличен здрав десерт!
