Не постојат волшебни таблети кои ќе ги отстранат симптомите на предменструалниот синдром – ПМС, кои често се јавуваат во форма на главоболка, замор, болни и напнати гради, акни, надуеност во долниот дел на стомакот, анксиозност, несоница, промени во расположението, претерано потење…
Како и секогаш, исхраната може да ви помогне да ги смирите овие видови на тегоби. Еве кои намирници може да ги вклучите во исхраната во тие денови:
Калциум и магнезиум: Сите намирници богати со калциум се одличен сојузник во борбата против ПМС. Калциумот влијае на нивото на естроген во телото и со тоа му помага на организмот полесно да се носи со симптомите. Изберете млеко и млечни производи. Семки од тиква, сончоглед, кикирики и индиски ореви се богати со магнезиум кој помага при преносот на калциумот во коските.
Омега 3 киселини: Омега 3 киселините, со кои е богата рибата, помагаат во ублажувањето на менструалните грчеви.
Витамин Б6: Бананите се богати со витамин Б6, за кој е докажано дека при ПМС успешно го редуцира проблемот на болни и напнати гради, промени во расположението и насобирање на вода во телото.
Природен антидепресив: Со консумирање на ананас, освен што ќе се ослободите од надуеност, може да бидете сигурни дека ќе биде ефикасен и како природен антидепресив, бидејќи високата концентрација на манган во него делува на зголеменото ниво на серотонин, познат и како хормон на среќа.
Намирници богати со железо: Лиснатиот зелен зеленчук е богат со железо, кое жените го губат при менструално крварење, па е важно преку храната да го надоместите и притоа да ја намалите можноста од појава на некои симптоми на ПМС.
