Ако имате хипотиреоза или боледувате од Хашимотов тириоидитис, болести кои предизвикуваат забавена работа на штитната жлезда, ќе треба да внимавате на исхраната. Погледнете кои продукти треба да ги консумираат лицата кои имаат проблем со забавеност на штитната жлезда.
Тироидата која слабо работи може малку да се „размрда“ со помош на правилна исхрана. Продукти богати со јод, тирозин, цинк и селен, ќе ја подобрат работата на тироидата.
Риба
Лосос, сардини, пастрмка и туна се богати со омега-3 масни киселини и се добри за нашето здравје, а, исто така, помагаат кај хипотиреозата, затоа што се одличен извор на селен.
Јаткасти плодови
Јаткастите плодови, исто така, содржат големо количество на селен, особено лешниците, леблебијата, индиските и бразилските ореви. Една шака јаткасти плодови се доволни за дневните потреби. Може да ги искомбинирате со салата или разни тестенини.
Свежо овошје и зеленчук, наместо термички обработено
Зголемената телесна тежина е еден од раните симптоми за хипотиреоза. За да ја намалите телесната тежина, но истовремено да го одржувате и здравјето на своето тело и здравјето на тироидната жлезда, важно е во исхраната да внесете свежо овошје и зеленчук, наместо термички обработено, бидејќи свежото е поздраво. Со термичката обработка се губат нутриенти кои се важни за организмот.
Морски алги
Стручњаците утврдиле поврзаност меѓу намален витамин Д и Хашимотов тириоидитис болест. Оваа намирница често се наоѓа на менито на вегетаријанците и веганите, а добра е за штитната жлезда затоа што содржи голема концентрација на јод. Тој нутриент е есенцијален за правилна функција на тироидеата и за производство на нејзините хормони. Морските алги се богати со влакна, калциум и витамини А, Б, Ц, Е и К.
Мешунки
Хипотиреоза во организмот предизвикува намалена енергија, а тоа може да се подобри со помош на разни мешунки, кои се богати со протеини, антиоксиданти, јаглехидрати, витамини и минерали. Содржат влакна и затоа се одлични за варење на храната. Грав, грашок, леќа и наут се некои од мешункастите растенија кои можете да ги додадете во својата исхрана.
