Исхраната е темел за здрав и квалитетен живот и затоа треба да се има предвид тврдењето на научниците од Универзитетот во Калифорнија, кои сметаат дека од возраста треба да зависи и храната што ја внесуваме. Факт е дека телото се менува со годините, а и метаболизмот не е ист, па затоа треба да се менува и храната која ја внесуваме, тврдат американските научници.
На возраст од 20 до 30 години
Пожелно е да се внесуваат повеќе млечни производи бидејќи коските се уште растат, а се препорачува избегнување на алкохолот поради неговото лошо влијание врз здравјето на ноктите, косата и кожата. Во овој период од животот не се препорачуваат строги диети, односно не без надзор на стручно лице.
На возраст од 30 до 40 години
Во овој период од животот повеќето почнуваат да чувствуваат недостаток на енергија и замор, затоа најдобро е кафето да се замени со суво овошје, особено кајсии и јаболка. Потрудете се и внесувањето на шеќер и нездрави масти да го сведете на минимум со цел задржување на тежината во нормални граници.
На возраст од 40 до 50 години
Тогаш почнуваат да се појавуваат првите знаци на анемија, поради која експертите препорачуваат квалитетно црвено месо, овошје и зелен листест зеленчук. Во оваа животна фаза внесувањето на слатки сведете го на минимум затоа што калориите потешко се трошат и може многу лесно да добиете вишок килограми.
На возраст од 50 до 60 години
Не е лошо да се посвети внимание на внесувањето на пробиотици и да се пијат поголеми количества вода со цел да се избегне дехидрација. Трудете се да внесувате повеќе зеленчук и риба, додека сувомеснатите производи не треба да ги има на менито.
По 70-та година од животот
Исхраната треба да биде базирана на овошје, зеленчук, пилешко, риба, и не заборавајте да пиете многу течности, особено вода.
