Храната може да го намали стресот! И не станува збор за торта или за помфрит, туку за здрава храна која треба да биде присутна на менито на секој кој се грижи за своето здравје. Потребно е само да ја балансирате секојдневната исхрана и ќе забележите дека расположението ви се променило и сега многу помалку случувања од надворешниот свет може да ве погодат.
Повикувајќи се на добро познатата вистина „Ние сме она што го јадеме и она што го мислиме“, можеме да кажеме дека она што сме и што чувствуваме во голема мера зависи и од она што го консумираме. Еве што нутриционистите препорачуваат за намалување на стресот:
Зелен зеленчук
Брокулата, карфиолот и зелката, зелената салата, целерот – сите тие содржат антиоксидантни витамини кои помагаат во обновувањето на организмот за време на стресот. Тие исто така, содржат калиум, основен елемент на нервниот систем. Редовното консумирање ја намалува зголемената нервна возбуда и не прави среќни и спокојни. Освен тоа кога јадеме многу зеленчук добиваме многу влакна кои го чистат тело од токсините.
Цитрусни плодови
Зошто тие? Факт е дека огромната количина на витамин Ц, која игра важна улога во борбата против стресот, е содржана во лимоните, портокалите и грејпфрутот. Коктелот за смирување на нервниот систем е всушност цвежо подготвен сок од овие цитруси.
Чоколадо
Малкумина знаат дека чоколадото го поттикнува производството на ендорфин, дава чувство на радост и го подобрува расположението. Но, со тоа не се ограничуваат неговите предности во борбата против стресот. Продуктите од какао се богати со антиоксиданти кои го продолжуваат животот на клетките, вклучувајќи ги и тие на нервите. За да се врати радоста на животот не е неопходно секој ден да се јаде чоколадо. Научниците препорачуваат многу поскромен процент од 20-30 грама на ден.
Бадеми
Богати се со витамин Б2 (рибофлавин), витамин Е, магнезиум, цинк. Витаминот Б2 и магнезиумот учествуваат во производството на серотонин кој го контролира нашето расположение и помага да се издржи стресот. Цинкот е познат како елемент способен да се бори против негативните ефекти од стресот, додека витаминот Е е моќен антиоксидант. Доволно е да се јаде мала количина на бадеми за да во организмот се внесат сите горенаведени состојки. Така што дневно консумирајте 20 г бадеми.
