Брокула, спанаќ и грав задолжителен дел од детското мени

Спанаќот има висок процент на еден вид на антиоксидант - лутеин, кој припаѓа во групата на каротеноиди и ја чува кожата од оштетувања, предизвикани од сонцето, брокулата има многу витамини и минерали, а мешунките се поврзуваат со подолг животен век

Храната богата со есенцијални хранливи материи, магнезиум, калциум, антиоксиданти, како што се полифеноли или каротеноиди, можат да им помогнат на децата да останат здрави подолго. Еве која храна ќе го зачува здравјето на вашето дете.

Мешунки

Мешунките се едноставен и практичен пакет на супернутриенти, кои го балансираат шеќерот во крвта, а тоа значително го намалува ризикот од дебелина кај децата. Мешунките, исто така, се поврзуваат и со подолг животен век и помал ризик од развој на тумори, дијабетес и други хронични заболувања.

Боровинки

Боровинките имаат висока содржина на антиоксиданти полифеноли, кои го чуваат здравјето на крвните садови и ги намалуваат воспалителните процеси, а покрај тоа се од суштинско значење и за одржување на здравјето на мозокот. Идеја за ужинка: направете смути од боровинки, јогурт и сурутка. Смесата замрзнете ја во помали садови – децата ќе уживаат во здравиот и природен сладолед.

Спанаќ

Спанаќот има висок процент на еден вид на антиоксидант – лутеин, кој припаѓа во групата на каротеноиди и ја чува кожата од оштетувања, предизвикани од сонцето, а исто така и ја поправа функцијата на имунолошкиот систем. Спанаќот има висок процент на витамин К и магнезиум, елемент кој е важен за здравјето на коските. Идеја за ручек: измешајте варен спанаќ со сос од домати и сипете врз тесто за пица или тестенини.

Ореви

Една рака ореви содржи 2,6 грама омега-3 масни киселини, клучни за развој на мозокот, подобрување на функцијата на имунолошкиот систем и кардиоваскуларното здравје. Оревите, исто така, содржат и висок процент на мелатонин, кој помага за добар сон и штити од рак. Идеја за ужинка: сомелете ореви, ленено семе и суво грозје и измешајте со рендано темно чоколадо.

ОВЕС Житарките во исхраната обезбедуваат најголем дел од енергијата за игра, внимание на училиште и разни други активности. Овесот е една од најхранливите житни култури, кои го намалуваат холестеролот во крвта. Покрај тоа, содржи витамини од Б група, витамин Е, бакар, железо, цинк, магнезиум и фосфор.

Јајца

Јајцата се една од ретките намирници од кои можете да направите повеќе оброци со различни вкусови и текстури. Поради нивната сестраност, но и изобилство на протеини и огромна концентрација на холин (хранлива материја од витално значење за развојот на мозокот кај малите деца) треба да бидат дел од детското мени.

Брокула

Брокулата е полна со влакна, добри јаглехидрати, особено важни за развојот на децата. Брокулата, исто така, има многу витамини и минерали, кои помагаат за подобар вид на вашето дете, а добри се и за регенерација на оштетените клетки.