Се будите уморни, преку ден сте поспани, исцрпени и имате потешкотија со концентрацијата… Ова и не е толку страшен проблем ако трае кратко. Тој се решава со балансирана исхрана и поголема физичка активност. Ако сепак заморот трае со недели, задолжително вклучете го алармот и проверете ги следниве состојби.
Што ако е анемија?
Во случај долго да сте малаксани, брзо се заморувате и имате вртоглавици, проверете ја крвната слика, можеби патите од слабокрвност. Ова пореметување е последица на недостиг на железо во крвта.
СОВЕТ: Зајакнете го внесот на храната богата со железо – месо, риба, јајца, мешункасти растенија и лиснат зелечук. И, секако, внесете и дополнително железо во форма на суплемент.
Што ако е дијабетес?
Хроничниот замор, лошата меморија и концентрација, жедта, зголемениот апетит и губењето на килажа се типични знаци за дијабетес тип 2. Ако препознаете некои од овие симптоми, направете анализа на крвта и на урината бидејќи задржувањето на шеќерот во крвта се одразува на работата на срцето, на бубрезите, на очите и на другите витални органи.
СОВЕТ: Дијабетесот може да се контролира и со правилна исхрана, спорт и со регулирање на телесната тежина, како и со внес на природни регулатори на шеќерот во крвта.
Што ако е хипотиреоза?
Доколку штитната жлезда не работи правилно, се јавува замор како еден од типичните симптоми. Ако се сомневате на ова пореметување, обратете се кај вашиот матичен лекар. Ќе мора да направите и анализа на крвта со цел да се одредат вредностите на хормонот на жлездата, а можеби ќе треба и ехо преглед на жлездата.
СОВЕТ: Внесувајте јод, витамини А и Е, магнезиум, цинк и селен. Ги има и во некои намирници како зелената и црвената пиперка, јодираната сол, но и како додатоци во форма на таблети.
Што ако се бубрезите?
Недостатокот на енергија може да биде поврзан и со лошо функционирање на бубрезите кое не дава никакви симптоми. Дури во поодмината фаза на болеста се јавува замор, губење на апетитот, мачнини, порметување на сонот и отежнато извршување на дневните активности. Ако се сомневате дека ова би можело да биде причинител на вашиот замор, направете анализа и на крвта и на урината.
СОВЕТ: Пијте шест до осум чаши течност дневно.
ЗАКЛУЧОК:
Ако страдате од хроничен замор, важно е да ја пронајдете причината и да преземете соодветни чекори за подобрување на вашата енергија и здравје. Еве неколку корисни совети:
1. Посетете лекар
🔹 Хроничниот замор може да биде симптом на одредени болести како што се анемија, проблеми со тироидната жлезда, дијабетес или депресија. Направете медицински прегледи за да исклучите потенцијални здравствени проблеми.
2. Подобрете го сонот
🛏️ Обидете се да спиете најмалку 7-9 часа квалитетен сон секоја ноќ.
💤 Одржувајте редовен распоред на спиење.
📴 Избегнувајте екрани (телефон, телевизор) барем 1 час пред легнување.
3. Правилна исхрана
🥗 Јадете балансирани оброци богати со протеини, здрави масти и сложени јаглехидрати.
🚫 Намалете внес на шеќер, кофеин и преработена храна.
💧 Пијте доволно вода за да спречите дехидрација.
4. Физичка активност
🏃♂️ Лесните вежби, како пешачење, јога или истегнување, можат да ја подобрат енергијата.
🤸♀️ Избегнувајте премногу интензивни тренинзи ако се чувствувате исцрпени.
5. Намалување на стресот
🧘♂️ Вежбајте медитација, длабоко дишење или слушајте релаксирачка музика.
📅 Организирајте го времето за да избегнете преголем стрес и обврски.
6. Одржувајте социјални контакти
👥 Дружете се со пријатели и семејство – социјалната поддршка е важна за психичкото здравје.
Ако хроничниот замор трае подолго од 6 месеци и не се подобрува со горенаведените мерки, можеби страдате од синдром на хроничен замор (CFS), па треба да побарате стручна медицинска помош.
