Анализа на 15 студии во кои биле вклучени над 300.000 пацинети покажала дека лицата со тежок и хроничен атописки дерматитис имаат за 44% поголем ризик од развој на суицидални мисли, во споредба со лица кои не се заболени од оваа болест. Исто така, лицата со егзема имаат и за 36% поголем ризик за обид за самоубиство.
Атопискиот дерматитис е хронична воспалителна болест на кожата која е врзана со наследната склоност на лицето, се карактеризира со чешање, а типичната клиничка слика зависи од возраста на пациентот.
Заболените од атописки дерматитис често имаат проблеми со спиењето поради појавата на чешање и други симптоми на атописки дерматитис. Исто така, овие пациенти често избегнуваат дружење со други лица поради својот изглед. Поради видливост на болеста, пациентите може да доживуваат непријатност и стигматизација.
