Во медицинските студии, но и низ обични животни разговори, најчесто се споменува биолошкиот часовник кај жените. Сега и мажите се предупредени дека ако сакаат да станат татковци, тоа треба да го направат до 40. година, бидејќи подоцна нивните деца имаат поголем ризик од сериозни заболувања.
Специјалисти за плодност велат дека и мажите не се имуни на репродуктивно стреење, како што порано се мислело. Совет е да оформат семејство до 40. година за да ги намалат шансите нивните деца да заболат од Даунов синдром, аутизам или ментални болести.
Во студиите е анализирана поврзаноста на годините на таткото и начинот на живот со здравјето на детето. Меѓу другото, се наведува дека мажите од 40 и повеќе години имаат шест пати поголема шанса да имаат аутистични деца, отколку татковците кои се помлади од 30 години. Се смета дека спермата со годините се оштетува.
Исто така, во студијата се предупредува дека количината на алкохол кои мажите ја пијат може да влијае на здравјето на децата. Кај бебето може да биде детектиран фетален алкохолен спектар на нарушувања, кој предизвикува проблеми со концентрацијата, хиперактивност и слаба координација, и во случаи кога мајката не пиела алкохол. Консумирањето алкохол е поврзано со намалена функција на мозокот кај бебето и ниска интелегенција.
