Европска студија открила зголемен ризк од по живот опасните крвни згрутчувања познати како венска тромбоемболија (ВТЕ) кај пацинети кои не биле критично болни од КОВИД-19.
Ризикот од создавање на крвни згрутчувања претходно беше поврзуван со тешка форма на КОВИД-19.
Научниците следеле 2292 пациенти кои дошле во болничките ургентни центри со благи или со умерени симптоми на КОВИД-19, но без ВТЕ.
Четири недели подоцна, венска тромбоемболија се развила кај речиси 1 на 200 полесно болни пациенти кои не биле хоспитализирани и кај 5 на секои 200 умерено болни пациенти, информираат научниците.
Тие заклучиле дека лекарите кои се грижат за благо и умерено болните пациенти со КОВИД-19 мораат да бидат свесни за тие ризици, “особено кај пациентите со умерен КОВИД-19 кој бара хоспитализација“.
Американските научници пак, утврдиле дека кај хоспитализираните, умерено болни пациенти со коронавирус, кои имаат високо ниво на протеинот д-димер во крвта, што укажува на зголемен ризик од појава на опасни крвни згрутчувања од просекот, лекувањето со високи дози на нискомолекуларен хепарин значајно ги намалило шансите за создавање на згрутчувања и смрт, според податоци од клиничото испитување.
Зачестеноста на венската тромбоемболија или смрт била 28,7% во групата со високи дози, во споредба со 41,9% кај болните кои примале стандардна доза.
Откако ги земале предвид различните ризик фактори кај пациентите, тоа било 32 процентно намалување на ризикот со високи дози на хепарин, наведуваат истражувачите во трудот објавен во JAMA Internal Medicine.
Научниците велат дека ја започнале студијата „затоа што видовме дека пациентите добиваат крвни згрутчување и умираат пред нас додека беа на стандардни дози на превентивен хепарин“, вели водачот на студијата д -р Алекс Спиропулос од Институтот за медицински истражувања Феинстеин во Њујорк.
“Успеавме да докажеме дека нивото на д-димерите најмалку четири пати над горната нормална граница може да предвиди многу ризична група хоспитализирани пациенти со КОВИД-19 и давањето терапевтски дози на хепарин кај овие пациенти функционира“, вели Спиропулос, додавајќи дека ова сега ја менува праксата.
