Ако мислите дека е сеедно што јадете на вруќиниве, тогаш сте во заблуда. Постојат одредени видови на храна кои ќе го разладат вашето тело. Нутриционист Даниел О’ Шогени советува која храна да се јаде, а која да се избегнува за полесно да се преживеат летните жештини.
Лубеницата, куркумата и намалениот внес на јаглехидрати и протеини можат да ја победат вруќината
Иако се препорачува во зима, чинија супа треба да изедете и навечер во лето кога температурата на воздухот почнува да опаѓа, а вашето тело со помош на супата ќе остане разладено.
„Супата ќе предизвика потење, но како што испарува потта, така енергијата се апсорбира во воздухот и вашето тело се лади“, објаснува нутриционистот.
Тој вели дека многу добар избор за разладување е чилито поради кое повеќе ќе се потите, а притоа и ќе го разладувате телото.
Куркумата е зачин, кој не треба да се избегнува во лето, бидејќи ја подобрува циркулацијата и и помага на крвта побрзо да тече низ садовите што предизвикува ладење на телото.
Ако не знаете како да се разладите во продолжение ви предлагаме десет начини тоа да го направите преку храната:
- Јадете спанаќ;
- Во вечерните часови изедете една чинија со супа;
- Јадете храна со чили;
- Јадете лубеница;
- Зголемете го внесот на куркума;
- Намалете ги јаглехидратите;
- Јадете помалку месо;
- Јадете кромид;
- Консумирајте храна и пијалаци кои содржат нане;
- Бирајте оброци подготвени со кокосово млеко.
