Готвењето со деца може да биде пријатно и забавно. Освен што ќе би даде можност да поминете квалитетно време заедно, готвењето може да послужи и како лекција за децата. Ова се неколку идеи и совети за готвење со деца.
Поделете ги улогите
Веднаш штом ќе го поминете прагот на кујната со децата, треба да ги распределите улогите. На почетокот вие се шеф готвачот кој ги врши основните задачи, а детето ќе е вашиот помошник – готвач кое ќе ви помага при подготовка на јадењето. Ќе меша, ќе додава зачини, ќе мери точна грамажа, ќе крши јајца или пак ќе ги гмечи веќе сварените компири.
Изберете рецепт
Независно дали станува збор за подготовка на салати, солени јадења или десерти, кога ги правите првите обиди со детето во кујна, треба да изберете лесни и достапни рецепти. Важно е да вклучуваат познати продукти, рецептите да се основаат на лесни техники и умешност, инструкциите да бидат кратки, конкретни и лесни.
Рецепти кои одговараат за готвење со деца се пиреа од зеленчук, салати, смути и коктели од овошје, лесни соленки од тесто или мафини, крем супи.
Направете правилник
За да има ред и да се избегнат евентуални инциденти, треба да одредите некаков правилник. На пример, рерната и тенџерињата се забранета зона. Ножевите не се пипаат, а рендето може да се користи само под надзор.
Активирајте ги сетилата
Користете ги инструкциите по готвење за да ги активирате сетилата на детето. Вкусови, арома, текстура – тоа може да ги открие и оцени разликите. Пробајте различни работи – сладки, кисели, солени. По секоја дегустација интересирајте се за оценката на вашиот мал готвач. Натерајте го детето да работи со тесто, за да почувствува колку е меко и како се моделира во неговите рачиња.
Отворена лекција
Заедничкото готвење може да се искористи како отворена лекција за детето. Може да му претставите некој конкретен продукт или состојка и да му раскажете за неа. Да зборувате за самото јадење кое го поготвувате, дали е поврзано со некоја култура или конкретна непозната кујна од други делови на светот. Може да објаснувате техниката што ја користите и каков ефект постигнува. И најважното се треба да е на доспатен и разбирлив јазик.
Преживејте го нередот
Штом се влегле со мало дете во кујна, преживејте го фактот дека ви претстои валкање. Можно е да има брашно по целата кујнска површина или дамки од овошје и зелечук. Запоменете сепак, дека е вреди штом се забавувате заедно и ќе уживате да го испробате резултатот од вашата заедничка работа.
