Коктелот за болки служи за – како што впрочем и самото име вели – за да ги поттикне породилните болки. Значи, ако жената се уште не добила болки, а терминот за породување веќе поминал, тогаш овој коктел може да помогне. Но, се разбира, само во договор со лекар!
Додуша состојките се природни, но во никој случај НЕ се безопасни за телото или бебето! Особено е опасно предозирањето.
Од што се состои коктелот?
Обично се меша средство за чистење на цревата со алкохол и овошен сок. Омилениот напиток е рицинусово масло, сок од кајсија и малку ракија или шампањ. Се разбира, дека алкохолот НЕ СМЕЕ да се консумира за време на бременоста, но овде е потребен за да се неутрализира маслото и за да се надвладее вкусот на сокот.
Како делува?
Рицинусовото масло заради своите киселини ја поттикнува работата на цревата. Овие активности во телото ја стимулираат мускулатурата на матката – што, пак, би требало да ги предизвика саканите болки. Особено е потребно да се внимава на дозирање на маслото – премногу масло може да предизвика грчеви.
