Од возраста на која те родила мама може да ти зависи иднината

Жените раѓаат се подоцна, а судејќи според најновите истражувања, ќерките на оние мајки кои ги родиле во зрели години би можеле да имаат потешкотии со плодноста...

Истражувачите од американскиот универзитет McGill спровеле истражување на над повеќе од 43 000 жени и потврдиле дека постои врска меѓу возраста на која ги родила нивната мајка и нивната сопствена плодност. Речиси 20 проценти од жените кои мајките ги родиле во триесеттите години и самите на крајот никогаш немале деца, додека 13 отсто од оние со „помлади“ мајки немаат деца. Она што не било вклучено со истражувањето е фактот дали жените намерно решиле да немаат деца или постоела некоја медицинска причина за тоа.

Едно постаро истражување, пак, сугерира дека повозрасните родилки ризикуваат нивните ќерки да имаат послаба плодност затоа што на тој начин им го пренесуваат генетското „оштетување“ на подоцнежното породување. Меѓутоа, не е сè така црно! Постојат неколку предности и изненадувачки здравствени бенефити за постарите родилки. Американското истражување под името Long Life Family потврдило дека жените кои родиле после 33. година од животот имаат двојно поголема шанса за подолг живот и добра здравствена состојба.