Како да го забавите стареењето на кожата? – вечно прашање на кое се особено чувствителни дамите. Факт е дека не може да се запре, но барем може да се забави. Пред да се одлучите за скапи козметички третмани и креми, испробајте ја моќта на природата. Во продолжение ви предлагаме неколку намирници кои можат позитивно да влијаат врз изгледот на вашата кожа.
Грозје
Истражувањата покажуваат дека екстрактот од семки од грозје може да го зголеми нивото на антиоксиданти во телото. Исто така, докажано е дека го одржува колагенот и еластичноста на кожата. Ако го консумирате во свежа форма, дневно треба да изедете околу 450 г грозје за да почувствувате ефект на вашиот изглед. Или исечете ги зрната грозје на половина и втријте ги на лицето. Оставете да делуваат 20 минути, па исплакнете со млака вода и исушете го лицето на природен начин, без употреба на крпа за бришење.
Лимон
Лимонот е богат извор на витамин Ц и често се користи за осветлување на кожата и за изедначување на тенот. Лимонот ќе ги стегне порите и ќе го осветли вашиот тен.
Домати
Доматите може убаво да делуваат на вашата кожа – затворајќи ги порите, а притоа и го ладат лицето. Доматите содржат големи количини на витамини А и Ц и е познато дека може да ги исчистат акните и да ги осветлат темните дамки на кожата. Антиоксидантите во доматите се во големи количини, а особено и одговараат на масната кожа, намалувајќи го производството и излачувањето на мастите, ги затвораат порите и се борат против брчките!
Туна
Туната како и другите намирници богати со Омега 3 масни киселини, како лососот и сардината, ќе ја направат вашата кожа поубава и поздрава и ќе ве заштитат од рак на кожата.
Ѓумбир
Ѓумбирот е природен антиоксидант и помага во борбата против сите бактерии и воспаленија, што, пак, го спречува губењето на колагенот.
ПРЕПОРАКИ
Генерално, препораките се да не заборавиме и на физичката активност која влијае на кожата така што го зголемува протокот на крв, носејќи кислород и хранливи материи. Спијте доволно и движете се. Бидете умерени во спортувањето, зашто прекумерното вежбање не е пожелно. Немојте да пушите – пушењето ја менува структурата на колагенот и го забрзува формирањето на т.н. „пушачки брчки“
Шипки
Шипката има ефект против стареење и може да ја подмлади кожата одвнатре, но подеднакво и однадвор. Маслото од шипки го зајакнува епидермот (надворешниот слој на кожата кој е на прв удар на факторите од околината, сонцето, ветерот, студот или загадениот воздух), ја намалува видливоста на брчките и го спречува создавањето на нови. Ако сакате да имате сјајна и чиста кожа, секој ден пијте по една чаша сок од шипки.
Моркови
„Обоените“ овошја и зеленчуци, како што се морковите, пигментот го добиваат од бета-каротинот, силен антиоксидант кој во организмот се претвора во витамин А. Бета-каротинот, исто така, ја балансира и pH вредноста на кожата, помага во борбата против сувост и ја стимулира регенерација на клетките. Резултатот е нежна и мазна кожа.
