И покрај фактот дека кофеинот ги буди луѓето, за многумина ни утринското кафе не помага да се разбудат и да тргнат со денот. Но, истражувањата покажале дека најдобро решение е – да се напиете шолја кафе, па да легнете и да отспиете уште петнаесет минути.
Имено, едно од последните истражувања кои за тема го имаат кафето, било направено врз возачите и покажало дека спиењето од петнаесет минути ја зголемува нивната будност
На кофеинот му треба 45 минути да се преработи, но тоа е предолг период за спиење, бидејќи мозокот влегува во фаза на подлабок сон, па телото мисли дека ако спиете 45 минути можете да спиете и пет часа. Кофеинот, пак, го блокира производството на аденозин, соединение кое се акумулира во телото колку повеќе сте будни и на крајот ве успива. Значи, ако заспиете веднаш по првото утринско кафе и се разбудите по 15 минути, ќе ги избегнете сите последици и ќе го „измамите“ телото, полесно ќе се разбудите и ќе бидете подготвени за новите дневни обврски.
