Сузи Барел, позната нутриционистка, советува: Што не треба да јадете пред спиење

Иако консумацијата на темно чоколадо има многу предности, не е добра идеја да се консумира пред спиење, особено ако имате проблеми со спиењето. Содржи повеќе кофеин отколку млечното чоколадо

Постојат намирници кои во голема мера може да влијаат на нашиот сон. „На пример, познато е дека мастите резултираат со чувство на замор и летаргија“, вели Сузи Барел, нутриционистка од Австралија, а пренесува „Дејли мејл“.

Таа советува што е препорачливо да се јаде пред спиење, а што треба да се избегнува.

Банани

Бананите се полни со хранливи материи, особено со калиум и магнезиум, и ова е една од главните причини зошто е добро да се изеде една банана пред спиење. Имено, овие два споменати минерали помагаат во опуштање на мускулите.

„Покрај тоа, природните јаглехидрати, кои се наоѓаат во нив, помагаат да се намали нивото на гликоза во крвта, а тоа помага да заспиете за околу еден час после јадењето“, објаснува Барел.

Млеко

Многу родители имаат навика да им даваат топло млеко на децата пред спиење, а има и добра причина за тоа. Млекото е извор на триптофан (есенцијална аминокиселина), кој помага во производството на серотонин во телото. Серотонинот дејствува како невротрансмитер кој природно го смирува телото и помага да се стимулира спиењето.

Јаткасти плодови

„Јаткастите плодови имаат различни придобивки за здравјето на луѓето, но сите од нив придонесуваат за подобар и поквалитетен сон, бидејќи се богати со хранливи материи“, вели нутриционистката.

Тие, исто така, содржат и калциум кој му помага на нашиот мозок да го искористи триптофанот за да произведе мелатонин кој го стимулира спиењето.

Голема количина на сол пред спиење влијае лошо врз сонот

Темно чоколадо

Иако консумацијата на темно чоколадо има многу предности, не е добра идеја да се консумира пред спиење, особено ако имате проблеми со спиењето. Содржи повеќе кофеин отколку млечното чоколадо.

Сладолед

Избегнувајте сладолед доцна навечер ако сакате квалитетно да спиете и добро да се одморите. Имено, сладоледот е често полн со шеќери и масти, а тоа го стимулира мозокот, наместо да го смирува.

Солена храна

„Солената храна може да доведе до дехидрација, а тоа до будење ноќе и посегање по вода. Покрај тоа, солената храна често знае да содржи мононатриум глутаминат, додаток во исхраната (попрецизно подобрувач на вкусот – Е 621), кој всушност делува стимулирачки врз телото, наместо да го опушти пред спиење“, вели Сузи Барел.