Вообичаено е односот на браќата и сестрите во текот на растењето и созревањето да осцилира од целосно обожавање до презир, да се натпреваруваат меѓусебно во се, од делење на играчките до привлекување внимание.
Браќата и сестрите играат навистина важна улога во нашите животи
Истражувачите од универзитетите во Тел Авив и во Торонто откриле дека луѓето што растат со љубезни браќа и сестри прераснуваат во поемпатични луѓе од оние чии браќа и сестри не се љубезни. И постарите и помладите браќа и сестри подеднакво може да влијаат врз нашите особини, пренесува „Independent“.
Во семејствата каде што постоела голема разлика помеѓу децата, постарите браќа и сестри имале поголемо влијание. Научниците заклучиле дека тоа е така бидејќи им се подобри учители и модели на своите помлади братчиња и сестрички.
