Дури и ако не ви е дијагностицирана, постои можност хеликобактерот да ви се вдомил во слузницата на вашиот желудник или дванаесетпалачото црево, оти често не дава никакви симптоми се додека не предизвика да се создаде чир на тие органи. Симптомите кои укажуваат на присуство на оваа бактерија во телото се надуеност, непријатно чувство во стомакот и нагон за повраќање. Гастритисот, непријатниот здив, хипертензијата, анемијата, слабост и повраќање, исто така, може да бидат знаци за аларм.
Ограничете ги порциите
Биопсијата на желудник е најсигурен начин за дијагностицирање на хеликобактер, иако лекарот може да побара дополнителни анализи на крвта и на изметот. Кога станува збор за лекувањето треба да се има предвид дека оваа бактерија опстојува во кисела средина и е затоа е отпорна на многу лекови. Затоа лекувањето бара примена на неколку антибиотици, кои делуваат на сите нивоа. Задолжително обрнете внимание и на исхраната – обилни оброци, посебно навечер може да ги влошат симптомите посебно ако се направени од индустриски преработени намирници. Исто така, треба да се избегнува кафето и енергетските напитоци кои помагаат да се размножува бактеријата.
Заборавете на кисела и конзервирана храна
Кога станува збор за зеленчукот, салатите не треба да се зачинуваат со оцет, на кисела зелка треба да заборавите,а не се препорачува ниту конзервиран зеленчук. Менито треба да ви биде богато со брокула, кељ, прокељ и зелка кои спречуваат да се направи чир на желудникот или други комликации. Од зеленчук, исто така, треба да посегнете и за морков, целер, артичока и сладок компир. Наспроти тоа, обичниот компир не се препорачува, посебно не во форма на помфрит, оти така подготвената масна храна го одложува празнењето на цревата што може да биде тригер за гастритис или некој воспалителен процес. Поради тоа, консумирањето на свинско месо треба да го сведете на минимум, а истовремено да ги зголемите порциите риба или месо од живина без кожа.
Не секое овошје е добар избор
Антиоксидантите од свежото овошје го забрзуваат лекувањето, додека влакната кои ги содржат може да бидат сојузници при ублажувањето на тегобите предизвикани од чирот или гастритисот. Од овошје најдобро е да се јаде јаболки и брусница, кои не дозволуваат размножување на бактеријата, а додека малините, крушите и сливите се најпрепорачливи кога станува збор за содржината на влакна во себе. Исто така, бананите се познати како мелем за желудникот. Од друга страна, доматот треба да се избегнува во широк лак, бидејќи допринесува за јакнење на киселата средина во организмот, што важи и за цитрусните овошја. Исклучок е лимонот кој и покрај својот киселкаст вкус всушност важи за базна намирница.
