Истражувањето се спровело над 1.900 испитаници од Шпанија и од Италија кои биле болни од КОВИД-19, и нивните резултати биле споредувани со 2.000 лица кои не биле заразени.
Во новата студија научниците утврдиле дека лицата со крвна група А се поврзани со зголемен ризик од инфекцијата со SARS-CоV-2 и тоа за 45%.
Уште пред три месеци едно истражување во Кина покажало дека лицата кои имаат крвна група А се поподложни на заразата за разлика од лицата кои имаат крвна група О, кои се повеќе заштитени од вирусот. По резултатите од овие истражувања, најголемиот страв на научниците беше дека лицата со крвна група О премногу ќе се опуштат, а оние пак со крвна група А ќе ги фати паника.
“Овие резултати не смеат да се користат за да се опуштиме и да не превземаме мерки кои се задолжителни поради заштита“, напоменува д-р Мари Кушман, хематолог и професор на Универзитетот Вермонт.
“Спорадични истражувања од повеќе места во светот известуваа за поголем ризик за развој на тешка форма на болеста кај лицата со крвна група А, а а за помал кај оние со крвна група О. Неодамнешно истражување со седум болници во Италија и во Шпанија, кое било обид да се пронајдат гените во човечкиот геном поврзани со поголем или помал ризик за развој на тешка форма на КОВИД-19, помалку неочекувано го издвоило генот одговорен за различноста во крвните групи. Тој ген (т.н. ABO локус на хромозомот 9) се покажа на едно од само две места во човечкиот геном кој предизвикува вродена склоност за развој на тешка форма на КОВИД-19. Тоа е силна научна потврда дека ризикот за развој на тешка форма на болеста е навистина поврзан со крвните групи. За крвната група А, поголем е за 45%, а за крвната група О е помал за околу 35% во однос на останатите крвни групи“, објаснува хрватскиот научник Игор Рудан.
ШТО ОТКРИЈА ПРЕТХОДНИТЕ СТУДИИ?
Од Вухан на почетокот на март стигна информација од страна на научниците кои ги споредувале наодите од крв на 2173 лица кои имале КОВИД-19 и лица кои не биле заразени, на исто подрачје. Кај општата популација, крвна група А имале 31% лица, АБ 9%, Б 24%, а О до 34%. Кај оние кои биле заразени со вирусот, крвна група А имале 38% од болните, крвна група Б 26% од заразените, АБ до 10%, а крвна група О имале 25%. Според тие резултати тогаш е заклучено дека лицата кои имаат крвна група А имаа и поголем ризик од зараза.
“Ова се интересни студии, но треба да се прегледаат уште варијации, па ако постои можност да се прикажат уште поточни бројки, тоа е нешто на кое можеме да се радуваме“, вели д-р Патриција Фостер, професор на Универзитетот Индијана, и додава дека ова не е ништо невообичено, бидејќи се знае дека одредена крвна група е поподложна на одредени вируси.
КРВНИ ГРУПИ И БОЛЕСТИ
Стручњаците се согласуваат дека некои болести се поврзани со крвната група, па така се смета дека лицата кои имаат крвна група АБ се поподложни на мозочен удар и когнитивно пропаѓање. Крвната група АБ го штити лицето од срцеви удари и запушување на крвните садови“, наведува д-р Кушман.
