Медицинската состојба која го дефинира претерувањето за време на новогодишните и божиќните благодати се нарекува – празнично срце. Станува збор за аритмија или пореметување на срцевиот ритам која се јавува кај здрави лица како последица од прекумерно консумирање храна, недоволен внес на течности (дехидрација) и стрес. Името го добила според тоа што најчесто се јавува за време на празниците и викендите.
Забрзано чукање на срцето, проследено со вртоглавица, слабост, болка во градите и губење на здивот. Срцевата аритмија може да дава и чувство на лебдење или пак трка на срцето и може да биде безопасна. Но, некои срцеви аритмии може да предизвикаат знаци и симптоми опасни по живот.
Освен во лекарска ординација, лицата кои страдаат од зголемен крвен притисок треба секојдневно самостојно да ги контролираат вредностите на крвниот притисок и дома.
Пет совети за здраво и среќно срце
Бидете поактивни
Вклучете редовна физичка активност во секојдневната рутина. Препораките на Светската здравствена организација се најмалку 30 минути редовна телесна активност секој ден за да се одржи кардиоваскуларна кондиција. Доволна е лесна физичка активност, па дури и еден час прошетка. Колку повеќе шетате, срцето ќе биде поздраво и посреќно. Од друга страна, на срцевите болни им се препорачува да се затоплуваат и да не излегуваат ако не мораат. Имени, кога надвор е екстремно ладно, крвните садови се стеснуваат, што го ограничува протокот на крв низ нив и ја отежнува работата на срцето, кое тогаш пумпа побрзо.
Јадете здраво
Зголемете го внесот на овошје и зеленчук, житарки од цело зрно, немасно месо, риба и мешунки, а ограничете го внесот на сол, шеќери и маснотии.
Кажете НЕ на пушењето
Една од овогодинешните одлуки може да биде и престанок на пушењето. Ризикот од срцеви болести значајно се намалува за период од две години по престанување со пушење, а за пет години, ризикот од кардиоваскуларни болести е ист како и кај непушачите.
Дознајте кои се симптоми на срцев удар
Преку 70% од сите итни случаи на срцев или мозочен удар се јавуваат дома, кога е присутен член на семејството и кој може да помогне.
Следете го своето тело
Контролирајте го крвниот притисок, холестеролот, шеќерот во крвта и индексот на телесната маса кои се главни ризик фактори за појава на кардиоваскуларни болести. Кардиоваскуларните болести денес се водечка светска причина за смрт, но со воведување на неколку мали промени во животот, може да се спречи или да се намали ризикот од срцеви болести и мозочен удар, како и да се подобри општиот квалитет на живот.
