Опстипацијата (запек) е честа појава кај многумина, а се јавува најчесто како резултат на брзиот начин на живот и исхраната. Јадењето набрзина и попатно го зема својот данок. Како резултат на опстипацијата се чувствуваме надуено и непријатно. Постојат неколку клучни фактори за запек: недостаток на влакна во исхраната, пиење премалку течности, промени во навиките, стрес и тегоби. Освен што можете да влијаете на се наведено, тука е и вашето „копче за голема нужда“. Звучи одвратно, но стручњаците се колнат дека делува магично.
Се што треба да притиснете е малечка точка која се наоѓа на околу два прста под вашиот папок. После тоа би требало за кусо време да почувствувате потреба за празнење на цревата. Притисокот треба да биде силен, но не прејак и да боли. Ако почувствувате болка, намалете го притисокот и започнете нежно и полека, а потоа постепено засилувајте го притисокот. Фокусирајте се на дишењето затоа што тоа може да ве ослободи од стрес и болка. Понекогаш се потребни буквално пет или десет секунди. Ако не почувствувате промени во цревата, продолжете да притискате уште 1 до 3 минути. Во секој случај, не стискајте подолго од 5 минути.
Според Џон Кирквуд од Центарот за акупресура, „копчето“ за голема нужда всушност не е смешно како што звучи.
„Таа точка е корисна во многу абдоминални состојби, без разлика дали се од дигестивна, репродуктивна, менструална или урогенитална природа. Масажата се пропишува и за пролив и за запек“, рекол стручњакот.
