Најдобри лаксативи од природата: безбедни и без нуспојави

Безбедни се, односно немаат нуспојави

Постојат бројни и лесно достапни намирници кои се покажале доста делотворни при појавата на опстипација. Освен тоа, нивната дополнителна предност е што се безбедни, односно немаат нуспојави. Во продолжение следува листа на природни лаксативи кои можат да бидат од голема помош:

Зрнесто овошје – богато е со влакна, па затоа може да послужи како одличен природен, благ, лаксатив. Еден филџан јагоди (152 г) содржи 3 г влакна, боровинките 3,6 г (во 148 г), додека капините дури 7,6 г во еден филџан, односно во 144 г. Доколку се внесат повеќе видови зрнесто овошје во исхраната, ќе се зголеми внесот на растопливи, но и нерастоплови влакна.

Легуминози – тука меѓу другите спаѓаат и гравот, леќата, грашокот, кикиритките. Освен што изобилуваат со влакна, со консумација на легуминозите го зголемуваме производството на карбоксилна киселина, која, пак, се однесува како природен лаксатив. Истражувањата покажуваат дека оваа киселина влијае на перисталтиката на цревата.

Ленено семе – содржи омега 3 масни киселини, протеини, како и растопливи и нерастопливи влакна. Покажува природни лаксативни својства и е мошне делотворно во лекувањето на опстипацијата, но и дијареата.

Чиа семе – заради високиот процент на растопливи влакна кои ја апсорбираат водата, семето од чиа може да помогне во омекнувањето на столицата и олеснувањето на опстипацијата.

Масло од рицинус – познат природен лаксатив, а за тоа влијание заслужна е рицинолеичната киселина. Делува така што ги активира специфичните рецептори во системот за варење кои влијаат на перисталтиката на цревата.

Кефир – ферментираните млечни производи како што е кефирот содржат пробиотици, добри бактерии со бројни позитивни дејства врз здравјето на системот за варење. Истражувањето кое го испитувало влијанието на консумирањето кефир кај личностите со опстипација резултирало со зачестена столица, подобрување на нејзината конзистенција, како и намален внес на лаксативи.

Јаболка – изобилуваат со пектин, растопливи влакна кои покажуваат лаксативни својства. Резултатите од едно истражување покажале дека пектинот може да го забрза движењето на содржината низ цревата. Освен тоа, покажуваат и пробиотички својства – влијаат на зголемување на бројот на добри бактерии во цревата.

Алое вера – често се споменува како одлична помош при опстипација. За лаксативните својства на оваа билка заслужни се антракинонските гликозиди кои ја стимулираат перисталтиката.

Зобни трици – изобилуваат со растопливи и нерастопливи влакна. Само едно филџанче осигурува дури 14 г влакна заради што се сметаат за мошне добар природен лаксатив.

Сливи – со гаранција се еден од најпознатите природни лаксативи. Неколку студии откриле дека консумацијата на сливи може да влијае на зголемување на зачестеноста на столиците и да ја подобри нивната конзистенција многу поефикасно од другите природни лаксативи.

Псилиум – се добива од лушпи од семките од билката Plantago ovata. Содржи растопливи и нерастопливи влакна, па е посебно ефикасен во олеснувањето на симптомите од опстипација.

Вода – добро е познато дека адекватниот внес на вода е есенцијален за одржување на редовната столица и е превенција на опстипацијата.