Резултати од ново истражување покажале дека жените имаат поинаков имун систем од мажите, и може различно да реагираат на различни имунолошки процеси.
Така, жените имаат осум пати поголема веројатност дека ќе заболат од автоимуни болести како што се мултипла склероза, лупус и ревматоиден артритис, но имаат и помал ризик од развој на некои карциноми, како рак на дебелото црево, рак на бубрезите, меланом и рак на бели дробови.
Истражувањето покажало и дека жените подобро реагираат на имунотерапијата за одредени видови на карциноми, во споредба со мажите.
Според мислењето на стручњаците, оваа студија би можела да отвори пат за подлабоко разбирање на одредени видови на карциноми и автоимуни пореметувања. Исто така, таа открива дека имунотерапијата може да биде прилагодена на мажите и на жените.
Подоброто разбирање на механизмот и одредени делови на имуниот систем може да доведе до унапредување на терапијата за бројни болести.
Истовремено, не треба да се заборави дека модерниот стил на живеење е фактор кој може да влијае на имуниот систем.
