Американскиот центар за контрола и превенција на болести неодамна ги ажурираше своите насоки и објави дека оние кои се опоравиле од КОВИД-19 можат безбедно да се движат и да се дружат со други лица три месеци.
Во јуни, студијата покажала дека нивото на антитела може да падне за два до три месеци кај лица со потврдена зараза кои имале благи симптоми или воопшто не ги имале. Но, антителата можат и натаму да бидат присутни на ниско ниво, вклучувајќи и под нивото на детекција.
Најновите насоки на Американскиот центар одат и малку подалеку.
- “Лицата кои биле позитивни на тестот за коронавирус не треба да одат во карантин или повторно да се тестираат до три месеци, ако повторно не развијат симптоми“, се наведува во насоките.
- “Оние кај кои повторно се јават симптоми во рок од три месеци од првата појава на КОВИД-19 можеби ќе треба повторно да бидат тестирани акоо нема друга причина за нивните симптоми“.
Останатите коронавируси, вклучувајќи ги и оние кои предизвикуваат САРС и МЕРС, имаат антитела кои, како што сметаат стручњаците, траат околу една година. На почетокот на ширење на новиот коронавирус во САД, научниците се надеваа дека антителата на овој нов вирус ќе траат барем колку и на споменатите два.
Друга студија објавена во мај открила дека луѓето кои закрепнале од инфекцијата можат да се вратат на работа безбедно, но и натаму не било јасно колку долго можеле да бидат заштитени.
Лекарите известуваа за некои случаи кога се чинело дека луѓето се заразени по втор пат по закрепнувањето од инфекција, но експертите велат дека поверојатно е дека станува збор за повторна појава на симптоми од првата инфекција.
