КОВИД-19: Бидете внимателни оти благите симптоми на болеста брзо може да станат многу сериозни

Додека повеќето заболени имаат благи или воопшто немаат симптоми, лекарите предупредуваат дека и оние со благи симптоми мора да внимаваат на нивниот развој, за да не станат многу опасни.

“Оваа болест може да предизвика појава на благи симптоми кај поединци кои по неколку дена и се опоравуваат, или лицето може да има симптоми пред или по формалната дијагноза, да се опорави, па сериозно да се разболи по 7 до 10 дена, а сметаме дека тоа е поврзано со имунолошкиот систен или феноменот ‘цитокинска олуја’“, појаснува д-р Дана Хавкинсон, медицински директор на Универзитетот Канзас.

Кога вирусот ќе дојде до белите дробови, имуниот систем одговара така што испраќа клетки кои ќе го нападнат вирусот. Доколу одговорот на системот е пресилен, тоа може да предизвика воспаленија. Кај некои лица токму и тоа ќе се случи и може да станува збор за фатални последици.

“Кога луѓето ќе се заразат, обично се јавуваат симптоми слични на настинка, но тогаш може да се развијат и белодробни проблеми, кога луѓето ќе сфатат дека се болни. Тоа обично се случува шестиот или седмиот ден“, појаснува д-р Дин Блумберг, шеф на одделот за педијатрија во болницата Davis Children’s Hospital.

“Заслугите“ за овој процес му припаѓаат на самиот вирус кој стигнал до белите дробови, но и на пациентот и неговиот имун систем, односно одговор на имуниот систем која може да предизвика проблеми. Тивка “хипоксија“ е уште еден поим кој се споменува кај некои пациенти, а се работи за слаба заситеност на крвните садови со кислород, а пациентот притоа не чувствува потешкотии со дишењето.

ОД БЛАГИ ДО СЕРИОЗНИ СИМПТОМИ

Според пишувањето на Центарот за контрола и превенција на болести, симптомите може да се јават 2-14 дена по изложување на вирусот.

СИМПТОМИТЕ ВКЛУЧУВААТ  

  • Температура
  • Кашлица
  • Болка во мускулите
  • Главоболка
  • Губење на осетот за мирис и за вкус
  • Болка во грлото
  • Потешкотии со дишењето

Во моментов стручњаците не знаат дали постои начин како да се предвиди дали благите симптоми ќе прераснат во сериозни, но постојат одредени ризик фактори кои тоа може да го поттикнат.

“Вирусот и инфекцијата што ја предизвикува се многу непредвидливи. Ги знаеме вообичаените симптоми, но често се забележуваат и атипични манифестации. Она кое исто така го забележуваме е дека симптомите од благи многу брзо може да се претворат во сериозни“, додава Хавкинсон.

Тој додавата дека “постојат јасни ризик фактори, а тоа се возраста, дијабетесот, хипертензијата, болести на белите дробови…, но за жал, се чини дека оваа болест може да му се случи секому.

ТРЕТМАН НА БЛАГИТЕ СИМПТОМИ

Иако нема начин да се спречи засилувањето на симптомите, д-р Скафнер, инфектолог на Универзитетот Вандербилт, објаснува што може да направат пациентите со благи симптоми на КОВИД-19, за да се чувствуваат подобро.

“Сметам дека добрата хидратација е многу важна за да пациентите се чувствуваат подобро. Ако имате температура, лековите кои делуваат на намалувањето се од голема помош. Секако, како што им советувам на сите пациенти кои имаат грип или респираторни проблеми, треба да се избегнува алкохол и да се внимава на внесената количина на кофеин, оти тоа може да доведе до дехидрација“, вели докторот .