Д-р Мајкл Остерхолм, директор на Американскиот центар за инфективни болести смета дека сме далеку од крајот на приказната КОВИД-19.
Делта сојот се уште не ја завршил својата приказна ширум светот, а летото му помогна полесно да се шири, што би можело да се случи и наскоро со враќање на децата во училишните клупи.
“Искрено можам да кажам дека порастот на бројот на случаи, само ќе се зголемува“, додава д-р Остерхолм и појаснува зошто мисли дека овој бран на коронавирусот всушност би можел екстремно да се засили.
ЗДРАВСТВЕНИТЕ СИСТЕМИ СЕ ОПТОВАРЕНИ
И оваа информација се однесува на системи ширум светот. Огромен е бројот на лица кои имаат и други здравствени состојби, како болести на срцето, повреди, а кои не можат да дојдат на ред. Системот можеби не е срушен, но секако е превиткан на половина, појаснува д-р Остерхолм.
НЕ ОЧЕКУВАЈТЕ ВРАЌАЊЕ НА СТАРИТЕ БРОЈКИ
“Едноставно не знам до кога ќе се зголемува бројката на заболени. Втора работа на која немам одговор е дали ќе биде како во некои други земји, како Јужна Африка или Англија – кога делта сојот од точка А стигна до точка Б и повеќе не се врати на точка А, туку преминува на точка Ц, како во Англија, каде наместо високата бројката да се спушти на 1000 случаи од почетокот на приказната, се случи да пикот на заразата од 47.000 лица се спушти на само 32.000“, додава лекарот.
ВАКЦИНИТЕ СЕ “НЕВЕРОЈАТНО БЕЗБЕДНИ“
Медиумите во моментот на одобрување на вакцините, малку ја нагласуваа сигурноста на мРНА вакцините: “Единствените проблеми се поврзани со оние коиимале миокардитис или перикардитис. Во тие случаи некои лица биле хоспитализирани, но генерално сите се опоравени. Кај повеќето се работело за блага форма. Никој не починал од 180-те милиони лица колку се вакцинирани, а тоа е важна бројка. Лично многу би сакал ацетилсалицилната киселина да е толку безбедна. Значи, мораме да сфатиме дека овие вакцините не се безбедни, туку се неверојатно безбедни“, додава лекарот.
УЧИЛИШТАТА НЕ СЕ БЕЗБЕДНИ
Тој истакнува дека има пет внуци за кои смета дека треба да имаат однос со наставници очи в очи. Но, д-р Остерхолм смета дека насоките дека е безбедно повторно отворање на училиштата наведуваат на погрешен пат.
Овој вирус се движи брзо и помеѓу децата, а науката вели дека со делта сојот е комплетно невозможно да се отворат училиштата и да нема голем пренос на вирусот, смета тој и предупредува дека е потребно драматично да се намали стапката на ширење на инфекцијата кај децата.
ТРЕБА ДА НОСИТЕ ВАКВИ МАСКИ
“Всушност можете многу да направите по прашање на спречување на вирусот ако носите квалитетна маска. Знаеме дека платнените маски не функционираат многу“, истакнува лекарот и додава дека треба да се носат маски N95 или KN95, или визир.
За потсетување, најчестиот пат на пренесување на КОВИД-19 е по капков пат. Капките можат да дојдат во контакт и да заразат здраво лице во радиус од еден метар. Во насока на тие сознанија, како превентивна мерка се препорачува носење маска за лице, често миење на рацете и дезинфекција, како социјална дистанца и намалување на близок контакт.
Маската за лице може да спречи ширење на капките кога заразено лице зборува, пее, кашла или кива. Секако треба да се избегнува допирање на лицето, особено на очите, устата и носот, бидејќи слузницата која ги прекрива е најчувствителна на вирусното пренесување. Важно е да се нагласи и правилното носење на маската за лице. Маска која целосно не ги покрива устата и носот или пречесто повеќепати се користи во голема мера резултира во варијации на безбедноста на маската.
