Навика на многу луѓе е никогаш да не оставаат ништо во чинијата, без разлика дали се гладни или не. Можеби тоа е навика која останала од нашите баби, кои не учеле да не оставаме храна, но дали сме научиле и како да го слушаме организмот и да јадеме онолку колку што всушност ни е потребно…
Постојат најмалку три добри причини да не изедеме се од чинијата. Така вели и магистарот по психологија Хиба Џаколето, кој го застапува концептот “интуитивна исхрана“.
„Додека растев научив дека треба да изедам се од чинијата. И едноставно се водев од тоа. Меѓутоа, пред неколку години открив како да јадам интуитивно, како правилно да ги слушам и разбирам сигналите кои ми ги испраќа телото. Тогаш чинијата престана да диктира колку ќе изедам„, вели Џаколето.
Сити сте
Ова е главна причина зошто треба да престанете да јадете. Послушајте го телото и научете како да ги препознаете неговите сигнали. Кога сте гладни јадете, а кога повеќе не сте – престанете, без оглед на тоа дали ви останала храна во чинијата или не. Што значи да го почитувате повеќе телото отколку чинијата? Тоа значи да му дадете онолку храна колку му е потребно и колку што може да поднесе. Кога ќе почувствувате дека телото вели „Благодарам, ова ми е сосема доволно„, не го занемаруваје и не се прејадувајте.
Не ви се допаѓа она што го јадете
Ова можеби е крајно очигледно, но кога не ви се допаѓа храната која ја јадете – престанете да ја јадете. Дури и ако сте во ресторан, на гости, немојте на сила да јадете од љубезност или страв дека некој ќе негодува околу тоа.
Ова се однесува и на здравата храна. Само доколку уживате во храната, тоа може добро да се одрази на метаболизмот. Тоа значи дека би требало да поведете сметка за пријатната исхрана. Развиваме добра свест за себе. Кога нешто мораме, на почетокот ни е тешко со тоа да се занимаваме. Каква порака му праќаме на телото ако го тераме да консумира нешто што делува непријатно му делува? Трудете се секогаш да уживате во јадењето.
Знаете дека тоа што го јадете не е добро за вас
Јадете нешто, уживате, но знаете дека таа храна не е добра за вас. Во такви слуачи, направете транзитен период. Ако јадете пржени компири со одредено јадење, следниот пат подгответе ги или нарачајте ги во помала порција, и намалувајте ја се додека природно не се откажете во целост од неа, и заменети ги на пример, со варени компири.
