Со појадокот се забрзува метаболизмот и на телото му се обезбедува потребната енергија за целиот ден. И додека некои луѓе се уште го избегнуваат овој оброк, други се прејадуваат. Ова се пет 5 совети кои ќе помогант да се одреди точната порција за појадок и да се минимизираат штетните супстанци во него.
Намалете ја големината на чинијата
Ако користите голема чинија за појадок, тогаш најверојатно ставате повеќе храна отколку што навистина е потребно. Земете помала чинија за да си ја олесните контролата на големината на порцијата.
Додадете протеини
За да се чувствувате сити, а во исто време да не се прејадете за појадок, додадете малку протеини во оброкот. Храна како што е грав, хумус, јајца, лосос, ореви, семки или масло од кикирики содржи хранливи состојки кои се потребни за почеток на вашиот продуктивен ден.
Користете ја раката како мерач
Кога е во прашање мерењето, не би требало да бидете премногу строги и да го мерите секој грам. Користете ја раката како мерач. Големината на дланката ќе ви помогне да одредите колку протеини ви се потребни, а големината на палецот ќе ви ја покаже количината на здрави масти кои ви се потребни.
Одвојте време да уживате во оброкот
Многумина од нас појадокот го јадат набрзина, понекогаш дури и во движење. Тоа толку набрзина се прави што понекогаш и забораваме дека сме јаделе. Бавниот појадок наутро е важен, бидејќи ова е првиот оброк во денот.
Изберете житарки без шеќер
Житарките без шеќер ќе ви помогнат да јадете помалку, но да ги добиете дополнителните хранливи материи.
