Изгледот и промените на лицето не се секогаш само последица на случувања во кожата и нејзиниот лош третман. Често кријат одговори и за целокупното здравје, што на окото на стручњак не би требало да му помине незабележано Еве на кои проблеми укажуваат промените на кожата:
Испукани усни
Испуканите усни, особено на аглите можат да се јават заради недостаток на витамини од Б групата. Ако и јазикот е со наслаги, тогаш е речиси сигурно дека на организмот му недостасуваат овие витамини. Витамините од Б комплексот се борат против воспаленија, а нивниот недостаток најчесто се изразува кај вегетаријанците и личности кои од менито изоставаат млеко и млечни производи, јајца и риба. За оние кои одбегнуваат намирници од животинско потекло – грашакот и спанаѓот се ризници на витамини од Б групата.
Жолти дамки
Жолтите дамки околу усните, очите и носот можат да предупредуваат на висок холестерол, што може да се провери ако неколку дена од исхраната се изостави масната храна.
Акни
Акните на брадата се појавуваат заради хормонска чувствителност во деновите на циклус. Меѓутоа ако се присутни постојано треба да се појде на гинеколог, затоа што може да укажуваат и на синдром на полицистични јајници.
Капилари
Испуканите капилари настануваат главно заради континуирано консумирање алкохол. Претерувањето со цигари и лута храна, исто така, можат да ги предизвикаат овие неповратни последици. За да се реши проблемот на алкохолот и на цигарите треба да се заборави, а лутото да се сведе на минимум затоа што кога еднаш ќе се појават капиларите повеќе не се повлекуваат.
Флеки
Темните кругови или флеки по вратот обично се појавуваат како последица на прекумерно консумирање шеќер или слатка храна. Може да бидат прв сигнал за зголемен ризик за појава на дијабетес тип 2. Појдете на лекар и, секако, намалете го внесот на слатко.
