Козметичкиот хирург од Лондон, доктор Јанис Александридес ги открил причините зошто акните одеднаш не преплавуваат на одредени регии од лицето.
Горна половина од лицето
Акните се појавуваат над веѓите, образот и носот заради претерано лачење масти од кожата, но и пот. На ова влијаат и производите за стилизирање коса, како и лошата исхрана.
Долна половина од лицето
Акните на долниот дел од образите, вилицата и брадата можат да настанат како резултат на иритации, но и заради хормонални промени, па дури и користење на мобилниот телефон кој може да создаде бактерија која ќе се шири по лицето.
Насекаде по лицето
Акните по целото лице се резултат на фактори од околината, исхраната и бактерискиот дисбаланс.
Како да се ослободите од акните?
Чистењето и пилингот се клуч за превенција, но тоа не значи дека треба да го чистите лицето само навечер. Лицето треба да се негува и наутро и навечер за да се исчити од маснотијата за време на сонот. Препорака е шминката да се отстранува веднаш бидејќи колку подолго останува нечистотијата на лицето, толку кожата е попроблематична. Уште еден начин за лекување на проблематичната кожа е светлосната терапија, која цели на проблематичните регии со комбинација на сино и црвено светло. Синото служи за разбивање на акните, додека црвеното за намалување на воспаленијата. За да ја зачувате кожата од лузни треба да ја негувате со антиоксиданти.
